గుంటూరులో మదుపరుల అవగాహన సదస్సు
'ఈనాడు' సిరి ఇన్వెస్టర్స్ క్లబ్ - ఆదిత్య బిర్లా మ్యూచువల్ ఫండ్ - జన్ మనీ సంయుక్తంగా నిర్వహించిన మదుపరుల అవగాహన సదస్సుకు మంచి స్పందన లభించింది. గుంటూరులోని సూర్యదేవర కల్యాణ మండపంలో నిర్వహించిన ఈ సదస్సులో మదుపరులు పెద్ద సంఖ్యలో పాల్గొన్నారు. ప్రతి వ్యక్తి తాను అనుకున్న ఆర్థిక లక్ష్యాలు సాధించడానికి క్రమానుగత పెట్టుబడులు పెట్టాలని ఆదిత్య బిర్లా మ్యూచువల్ ఫండ్ రీజనల్ మేనేజర్ రాజేంద్ర అన్నారు. అనంతరం మదుపరుల సందేహాలను ఆర్థిక నిపుణులు నివృత్తి చేశారు.