ఉద్యోగ భద్రత కల్పించాలంటూ..ఆందోళన
ఉద్యోగ భద్రత కల్పించాలంటూ ఉపాధి హామి పథకం క్షేత్ర స్థాయి సిబ్బంది పంచాయతీరాజ్ కమిషనరేట్ వద్ద ఆందోళనకు దిగారు. 13 జిల్లాల నుంచి సుమారు వెయ్యి మంది ఉద్యోగులు ఈ నిరసన కార్యక్రమంలో పాల్గొన్నారు. క్షేత్ర సహాయకులుగా పనిచేస్తున్న తమకు గ్రామ సచివాలయాలలో అవకాశం కల్పించాలని వారు కమిషనర్ కు విజ్ఞప్తి చేశారు. సర్వీసు క్రమబద్దీకరణపై త్వరలో ఓ నిర్ణయం వెలువడనుందని కమిషనర్ గిరిజా శంకర్ వారికి తెలిపారు. గ్రామ సచివాలయ పోస్టులకు ఎవరైనా దరఖాస్తు చేసుకోవచ్చని ఆయన వెల్లడించారు.