ముఖ్యమంత్రి నివాసం వద్ద కారు బోల్తా

గుంటూరు జిల్లా అమరావతి నుంచి ఉండవల్లి వెళ్తున్న కారు.. ప్రమాదానికి గురైంది. ముగ్గురికి గాయాలయ్యాయి. కాసేపు ట్రాఫిక్​కు అంతరాయం కలిగింది.

గుంటూరు జిల్లా ఉండవల్లిలోని ముఖ్యమంత్రి చంద్రబాబు నివాసం వద్ద కారు బోల్తా కొట్టింది. అమరావతి నుంచి ఉండవల్లి వైపు ప్రయాణిస్తున్న కారు అదుపు తప్పి పొలాల్లోకి దుసుకెళ్లింది. ఈ ఘటనలో ముగ్గురికి గాయాలయ్యాయి. కొద్ది సేపు ట్రాఫిక్​కు అంతరాయం కలిగింది. వెంటనే పోలీసులు ఘటనా స్థలానికి చేరుకొని ట్రాఫిక్​ను పునరుద్ధరించారు.