రాష్ట్రానికి 'అడెక్కో'

రాష్ట్రంలో పెట్టుబడులు పెట్టేందుకు మరో కంపెనీ ముందుకొచ్చింది. స్విట్జర్లాండ్​కు చెందిన అడెక్కో గ్రూపు కంపెనీ... ఏపీలో ఐటీ సర్వీసులు, హెచ్​ఆర్ సొల్యూషన్స్ అందించే కంపెనీ ఏర్పాటుకు అంగీకరించింది.

ఆంధ్రప్రదేశ్​లో పెట్టుబడులు పెట్టేందుకు అడెక్కో గ్రూపు కంపెనీ ముందుకొచ్చింది. కంపెనీ ప్రతినిధులతో మంత్రి నారా లోకేశ్ ఈరోజు అమరావతిలో భేటీ అయ్యారు. స్విట్జర్లాండ్​కు చెందిన అడెక్కో... భారత్​లో పెద్దఎత్తున వ్యాపారాన్ని విస్తరించే ఆలోచనలో ఉంది. రాష్ట్రంలో ఐటీ రంగం అభివృద్ధికి తీసుకున్న చర్యలను మంత్రి వారికి వివరించారు. ఐటీ రంగానికి ఇచ్చిన పాలసీలు, రాయితీల గురించి తెలిపారు. ఐటీ సర్వీసులు, హెచ్​ఆర్ సొల్యూషన్స్ అందించే కంపెనీ ఏర్పాటుకు వారు అంగీకరించారు. రాష్ట్ర యువతకు అధునాతన సాంకేతికతలో నైపుణ్య శిక్షణకు సహకరించాలని మంత్రి కోరారు.

ఇవీ చదవండి...నేడు హస్తినకు చంద్రబాబు

దేశ భద్రతలో రాజకీయాలుండవు