తూర్పుగోదావరి జిల్లా తుని పట్టణంలో ఓ పాత భవనంలో ఒంటరిగా నివాసముంటూ మృతి చెందిన పురోహితుడి ఇంట్లో దొరికిన సొత్తు లెక్క తేలింది. ఆ బ్రాహ్మణుడు దాచిన డబ్బును లెక్కించగా సుమారు రూ. 6 లక్షలు ఉందని సమాచారం. డబ్బు కట్టల్లో చాలా నోట్లు పాడైపోయాయి. నాణేలు మట్టిలో కలిసిపోవడంతో జల్లెడ పట్టి వేరు చేశారు. దాదాపు 30 ఏళ్లుగా ఆ కూలిన ఇంట్లోనే ఒంటరిగా జీవించాడు. తీరా అతను చనిపోయిన తర్వాత ఇంట్లో నగదు మూటలు బయట పడ్డ విషయం తెలిసిందే. ఈ సొమ్మును అంత్యక్రియలు, ఆ తర్వాతి కార్యక్రమాలకు వినియోగించాలని స్థానికులు, బ్రాహ్మణ సంఘాలు నిర్ణయించాయి. మిగిలిన మొత్తాన్ని ఏమి చేయాలన్న దానిపై ఆలోచిస్తున్నాయి.
మరణించిన బ్రాహ్మణుడి ఇంట్లో దొరికిన సొత్తు