కరోనా మహమ్మారి... మనుషుల్నే కాదు మానవత్వాన్ని చంపుతోందని తూర్పు గోదావరి జిల్లా పిఠాపురంలో ఓ వృద్ధుడి మృతి సంఘటన రుజువు చేసింది. పట్టణంలోని ఇందిరానగర్కు చెందిన ప్రసాద్ అనే వృద్దుడు ఓ ప్రైవేటు పాఠశాలలో వాచ్మెన్గా పని చేస్తున్నాడు. అనారోగ్యం కారణంగా స్థానికంగా ఉండే ఓ ప్రైవేట్ ఆస్పత్రికి వెళ్లి తిరిగి వస్తూ కోటమ్మ సెంటర్లో రాజుగారి విగ్రహం వద్ద కూర్చుని ఒక్కసారిగా కుప్పకూలిపోయి అక్కడికక్కడే మృతి చెందాడు. నడి రోడ్డుపై వృద్ధుడు పడి మృతి చెందినా కరోనా వైరస్ వ్యాప్తి కారణంగా ఎవరూ దగ్గరికి వెళ్లలేదు. సమాచారం తెలుసుకున్న ఎస్సై అబ్దుల్ నబి ఆ వృద్ధుడు వైద్యం చేయించుకున్న చీటీలు, బ్యాంక్ పాస్బుక్ ఆధారంగా వివరాలు తెలుసుకున్నారు. మృతదేహాన్ని తీసుకెళ్లేందుకు అంబులెన్స్ వచ్చినా అందులోకి మృతదేహాన్ని ఎక్కించేందుకు ఎవరూ ముందుకు రాలేదు. చివరకు అంబులెన్స్ డ్రైవర్కు ఎస్సై సాయం చేయ్యగా వృద్ధుడి మృతదేహాన్ని అక్కడి నుంచి తరలించారు.
మనుషుల్నే కాదు.. మానవత్వాన్ని చంపేస్తున్న కరోనా
ఓ వృధ్దుడు వైద్యం కోసం వెళ్లి తిరుగు పయనంలో అనారోగ్యం కారణంగా రోడ్డు పక్కనే ప్రాణాలు విడిచాడు. అయితే కరోనా కారణంగా ఎవరూ కూడా ఆ వృద్ధుడి దగ్గరకు వెళ్లలేదు సరికదా.. అతనిని అంబులెన్స్లోకి ఎక్కించడానికి కూడా సాయం చేయడానికి ముందుకు రాలేదు. చివరకూ ఎస్సై, అంబులెన్స్ డ్రైవర్ పూనుకొని వృద్ధుడి మృతదేహాన్ని తీసుకెళ్లారు. వివరాల్లోకి వెళితే....
రోడ్డు పక్కనే ప్రాణాలు విడిచిన వృద్ధుడు
ఇవీ చూడండి...:బడ్జెట్‌లో జిల్లా ప్రాజెక్టులకు అరకొరగా కేటాయింపులు