నిత్యావసర వస్తువుల దుకాణాల జాబితాలో మద్యం దుకాణాలు..!

కరోనా మహమ్మారి రాక ముందు ఏ దుకాణాలు ఏ కేటగిరికి చెందుతాయి అనే విషయాన్ని ఎవరు అంతగా పట్టించుకునే వారు కాదు. కానీ ఇప్పుడు పల్లె నుంచి పట్టణాల వరకు ప్రజలంతా దుకాణాల కేటగిరీలు, అవి తెరిచి ఉండే సమయాలను తెలుసుకోవలసిన పరిస్థితి ఏర్పడింది. అయితే నిత్యావసర వస్తువుల దుకాణాల జాబితాలో ప్రభుత్వం నిర్వహించే మద్యం దుకాణాలు చేరటంతో పలువురు విమర్శిస్తున్నారు.

కరోనా మహమ్మారి రాకముందు ఏ దుకాణాలు ఏ కేటగిరికి చెందుతాయి అనే విషయాన్ని ఎవరు అంతగా పట్టించుకునే వారు కాదు. కానీ ఇప్పుడు పల్లె నుంచి పట్టణాల వరకు ప్రజలంతా దుకాణాల కేటగిరీలు, అవి తెరిచి ఉండే సమయాలను తెలుసుకోవలసిన పరిస్థితి ఏర్పడింది.

• నిత్యావసర వస్తువుల కేటగిరిలో

కూరగాయలు, వంటింటి, కిరాణా, పాలు అమ్మకాలు సాగించే దుకాణాలు ప్రధానంగా ఉన్నాయి..

• అత్యవసర దుకాణాల కేటగిరిలో

ఇంగ్లీషు మందులు, ఆయుర్వేదం అలోపతి, ఆసుపత్రికి అవసరాలకు అవసరమైన దుకాణాలు ఈ జాబితాలో ఉన్నాయి.

ఇప్పుడు నిత్యావసర వస్తువుల దుకాణాల జాబితాలో ప్రభుత్వం నిర్వహించే మద్యం దుకాణాలు చేరాయి. లాక్ డౌన్​, కర్ఫ్యూ సమయాల్లో నిబంధనలు సడలించి మరీ వీటికి మినహాయింపు ఇచ్చి అమ్మకాలు సాగించేందుకు అధికారులు ప్రత్యేక జీవోలు జారీ చేశారు.

ప్రజలు నిత్యం ఉదయం వేళలో కాయకూరలు, మాంసాహార దుకాణాలు, కిరాణా షాపుల వద్ద అధిక సంఖ్యలో జనం ఉంటున్నారని... దానివల్ల కరోనా వ్యాప్తి చెందుతుందని ఉన్నతాధికారులు ఉదయం 6 గంటల నుంచి 11 గంటల వరకు మాత్రమే అమ్మకాలకు అనుమతి ఇచ్చారు.

మద్యం దుకాణాలు మాత్రం రాత్రి 8 గంటల వరకు అమ్మకాలు జరుపుకోవచ్చు అంటే... ప్రజలందరికీ ఇది ఎంత అవసరమైన నిత్యావసరమైన సరుకుల దుకాణం అనే భావించాలి.

తూర్పుగోదావరి జిల్లాలో రోజుకి వేయికి పైగా కరోనా పాజిటివ్ కేసులు నమోదవుతుండడంతో... జిల్లా కలెక్టర్ ఆదేశాల మేరకు పట్టణ గ్రామీణ ప్రాంతాల్లోని వ్యాపారాలకు నిర్దిష్ట సమయం కేటాయించారు.

ముమ్మిడివరం నియోజకవర్గం పరిధిలోని నాలుగు మండలాల్లో ఉదయం 11 గంటలు దాటిన తర్వాత అన్నిదుకాణాలు మూతబడితే... మందుల దుకాణాలవద్ద ఒకరిద్దరు కొనుగోలుదారులు ఉంటున్నారు. మద్యం దుకాణాల వద్ద మాత్రం వందలాది మంది భౌతిక దూరం పాటించకుండా ఎగబడుతున్నా.. అధికారులు, పోలీసులు దరిదాపులకు రాకపోవడాన్ని స్థానికులు, తెదేపా నాయకులు తీవ్రంగా ఖండిస్తున్నారు. జగన్ ప్రభుత్వం మద్యం షాపులను ఆదాయ వనరులుగా మార్చుకున్నారనడానికి ఇంతకన్నా నిదర్శనం అని పలువురు విమర్శిస్తున్నారు.

ఇదీ చదవండి: