తూర్పు గోదావరి జిల్లా ఐ.పోలవరం మండలం ఎదురులంక పరిధిలో.. వందలాది ఎకరాల లంకభూములు గౌతమి గోదావరికి చేరువనున్నాయి. మూడు తరాల క్రితం ఆ భూముల్లో కొబ్బరి చెట్లనుండి వచ్చే ఫలసాయం.. అందులోనే అంతర్ పంటగా వేరుశనగ, జనుము వేసి అదనపు ఆదాయంతో కుటుంబాలను పోషించుకుంటూ.. పిల్లలను ఉన్నత చదువులకూ పంపేవారు. అదంతా గతం. ఆ వందల ఎకరాలు ఇప్పుడు పదుల్లోకి వచ్చేశాయి. తరాలుమారి కుటుంబాలు విడిపోవడం వలన కాదు. గోదావరి వరదల వలన ఇలా తగ్గిపోయాయి... సారవంతమైన లంక భూములు. ప్రతి ఏటా వచ్చే వరదలకు లంకభూములు కోతకు గురవుతున్నా.. రైతులు ఎన్నిసార్లు ప్రజాప్రతినిధులకు మొరపెట్టుకున్నా ఫలితం లేకపోయింది. ఇంతకాలం ప్రభుత్వాలు ఈ సమస్య నివారణకు పూర్తి స్థాయిలో ఏ చర్యలు చేపట్టలేదు.
సీఎం పునాది వేసినా ప్రయోజనం లేదు..