వరద నీటిలో మునిగిపోయిన భర్త...కాపాడిన భార్య

వరద ఉద్ధృతి రోజురోజూకీ పెరగుతోంది. ఈ నేపథ్యంలో వరద నీటిలో మునిగిపోయన తన ఇంటిని చూసేందుకు వెళ్లిన ఓ వ్యక్తి నీటిలో చిక్కుకుపోయాడు. అతని భార్య కాపాడటంతో...హుటాహుటిన ఆస్పత్రికి తరలించారు. ఈ ఘటన తూర్పుగోదావరిజిల్లా లంకల గన్నవరంలో చోటుచేసుకుంది.

తూర్పుగోదావరి జిల్లా పి.గన్నవరం నియోజకవర్గం లంకల గన్నవరం గ్రామానికి చెందిన వెర్రయ్య అనే వ్యక్తి వరద నీటిలో మునిగిపోయాడు. ఆ సమయంలో ఆయన భార్య భర్తను కాపాడింది. తీవ్ర అస్వస్థతకు గురైన వెర్రియ్యను పి. గన్నవరంలోని సామాజిక ఆసుపత్రికి తీసుకెళ్లారు. అతనికి మెరుగైన వైద్యం కోసం అమలాపురంలోని ఏరియా ఆసుపత్రికి తీసుకెళ్లాలని వైద్యులు సూచించారు.

లంకల గన్నవరం పూర్తిగా వరద నీటిలో ఉంది. వెర్రయ్య ఇల్లు వరద నీటిలో మునిగిపోయింది. సురక్షిత ప్రాంతానికి వచ్చిన ఆ కుటుంబం... ఈరోజు వరద నీటిలో ఉన్న ఇంటిని చూసుకునేందుకు భార్యాభర్తలిద్దరూ వెళ్లారు. ఆ సమయంలో భర్త వెర్రయ్య ముంపు బారినపడ్డాడు. భార్య రక్షించడంతో బయటపడ్డాడు.

ఇవీ చదవండి:వరద ఉద్ధృతితో భయం భయం.. జలదిగ్బంధంలోనే గ్రామాలు