అగ్ని ప్రమాదంలో రెండు గుడిసెలు దగ్ధం

అగ్ని ప్రమాదంలో రెండు పూరి గుడిసెలు దగ్ధమయ్యాయి. షార్ట్ సర్క్యూట్ కారణంగా జరిగిన ఈ ప్రమాదంలో ఓ వృద్ధురాలు తీవ్రంగా గాయపడింది. ఈ ఘటన తూర్పు గోదావరి జిల్లాలో జరిగింది.

తూర్పుగోదావరి జిల్లా ముమ్మిడివరం మండలం కొమానపల్లి గ్రామంలో విద్యుత్ షార్ట్ సర్క్యూట్ కారణంగా రెండు గుడిసెలు అగ్నికి ఆహుతయ్యాయి. ఈ ప్రమాదంలో 68 ఏళ్ల వృద్ధురాలు చంద్రకాంతం మంటల్లో చిక్కుకుని తీవ్రంగా గాయపడింది. ఈ రెండు ఇళ్లలో నివాసముంటున్న ఐదు కుటుంబాలు కట్టుబట్టలతో మిగిలాయి.

ఘటనా స్థలానికి చేరుకున్న అగ్నిమాపక సిబ్బంది మంటలను అదుపు చేశారు. గాయపడ్డ వృద్ధురాలిని అమలాపురం ఆస్పత్రికి తరలించారు. కష్టపడి దాచుకున్న నగదు మంటల్లో కాలిపోయిందని బాధితులు వాపోయారు. సుమారు 5 లక్షల వరకు ఆస్తి నష్టం జరిగిందని బాధితులు చెబుతున్నారు.

ఇదీ చదవండి:గొంతులో ఇరుక్కుపోయిన మాంసం ముక్క.. తరువాత ఏమైందంటే..