దైవ దర్శనానికి వెళుతూ... అనంత లోకాలకు

గౌరీ మాతను దర్శించుకునేందుకు వెళుతుండగా అనుకోని ప్రమాదం జరిగింది. ఆగి ఉన్న లారీని ఆటో ఢీకొట్టడం వల్ల ఓ మహిళ అక్కడికక్కడే మృతి చెందింది. మరో ఐదుగురికి తీవ్ర గాయాలయ్యాయి.

రౌతులపూడి గ్రామానికి చెందిన కొందరు గౌరీ పట్నంలోని గౌరీ మాత ఆలయ దర్శనం కోసం ఆటోలో బయలు దేరారు. కొద్ది నిమిషాల్లోనే ఆ మాతను చూడబోతున్నామని అందరూ సంతోషించారు. ఇంతలోనే అనుకోని ప్రమాదం సంభవించింది. తూర్పుగోదావరి జిల్లా గొల్లప్రోలు మండలం వన్నెపూడి వద్ద జాతీయ రహదారిపై ఆగి ఉన్న లారీని ఆటో ఢీ కొట్టింది. ఓ మహిళ అక్కడికక్కడే మృతి చెందింది. మరో ఐదుగురికి తీవ్ర గాయాలయ్యాయి. క్షతగాత్రులను ప్రతిపాడు కమ్యూనిటీ హెల్త్ సెంటర్​కు తరలించారు. ఇద్దరిని మెరుగైన వైద్యం కోసం కాకినాడ జీజీహెచ్​కు తీసుకెళ్లారు. మృత దేహాన్ని పిఠాపురం ప్రభుత్వ ఆస్పత్రికి తరలించారు. పోలీసులు కేసు దర్యాప్తు చేస్తున్నారు.