మొదలపల్లిలో ట్రాక్టర్ బోల్తా ముగ్గురు మృతి
చిత్తూరు జిల్లా తవణపల్లి మండలం మొదలపల్లి గ్రామంలో విషాదం జరిగింది. గ్రామానికి చెందిన కొంతమంది ట్రాక్టర్లో సిద్ధేశ్వరస్వామి ఆలయానికి వెళుతుండగా.. వాహనం బోల్తాపడింది. ఈ ఘటనలో ముగ్గురు మృతిచెందగా.. సుమారు 15మందికి గాయాలయ్యాయి. మృతుల్లో ఇద్దరు మహిళలు, ఏడేళ్ల బాలుడు ఉన్నారు. క్షతగాత్రులను ఆసుపత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.