తిరుమలలో గత రెండు రోజులుగా కురుస్తున్న వానతో జలాశయాల్లోకి భారీగా వరద నీరు చేరుతోంది. తిరుమల కొండపై ఉన్న ఐదు జలాశయాలు పూర్తిగా నిండిపోయాయి. కుమారధార, పసుపుధార జలాశయాలు పొంగి పొర్లుతున్నాయి. పాపవినాశనం జలాశయం గేట్లు బుధవారం సాయంత్రం నుంచి తెరిచి ఉంచారు. గోగర్భం జలాశయానికి అటవీ ప్రాంతం నుంచి భారీగా వరద చేరుతోంది. ఆకాశం గంగ జలాశయం కూడా పూర్తిగా నిండిపోయింది. జలాశయాల గేట్లు తెరవడం, కొండపై కురుస్తున్న వర్షంతో దిగువ ప్రాంతానికి భారీ వర్షం నీరు ప్రవహిస్తోంది. దీంతో తిరుపతిలో అధికారులు అప్రమత్తమయ్యారు.
తిరుమలలో నిండిన జలాశయాలు