పౌర్ణమి కాంతుల్లో కళియుగ దైవానికి గురుడసేవ

కళియుగ దైవం శ్రీ వేంకటేశ్వరుడు గురుత్మంతునిపై తిరువీధుల్లో విహరిస్తూ...భక్తులకు దర్శనమిచ్చారు. పౌర్ణమి వెన్నెల్లో మాఢవీధుల్లో ఊరేగిన శ్రీవారికి భక్తులు నీరాజనాలు పట్టారు.

తిరుమల శ్రీవారు గరుడ వాహనంపై తిరువీధుల్లో విహరించారు. పౌర్ణమి వెన్నెల్లో శ్రీనివాసుడు భక్తులకు దర్శనమిచ్చారు. పౌర్ణమి సందర్భంగా తితిదే శ్రీవారికి గురుడసేవ నిర్వహించింది. సర్వాలంకార భూషితుడైన మలయప్పస్వామి వారు గరుత్మంతునిపై తిరువీధుల్లో విహరిస్తూ భక్తులకు దర్శనమిచ్చారు. వాహన సేవలో వేలాదిగా పాల్గొన్న భక్తులు స్వామి వారికి కర్పూర హారతులు, నైవేద్యాలు సమర్పించారు. వాహన సేవ ముందు భజనలు, కోలాటాలు కోలాహలంగా సాగాయి.