అదుపుతప్పిన కారు..అందులో ఎర్రచందనం దుంగలు
చిత్తూరు జిల్లా తవణంపల్లి మండలం పరిధిలోని గాజులపల్లెలో టీఎన్ 07ap2190 నెంబర్ గల కారు అదుపుతప్పి పంటపొలాల్లోకి దూసుకెళ్లింది. ఎవరికైనా గాయాలయ్యాయా అని స్థానికులు దగ్గరికి వెళ్లగానే డ్రైవర్ కారును వదిలి పరారయ్యాడు. వెంటనే స్థానికులు పోలీసులకు సమాచారం అందించారు. తవనంపల్లి పోలీసులు కారును పరిశీలించగా.. అందులో ఆరు ఎర్రచందనం దుంగలు బయటపడ్డాయి. కారు, దుంగలను అటవీశాఖ అధికారులు స్వాధీనం చేసుకుని దర్యాప్తు చేస్తున్నారు.