నారా రోహిత్ ఎన్నికల ప్రచారం
తేదేపా అమలు చేసిన సంక్షేమ కార్యక్రమాలే తిరిగి చంద్రబాబుకు అధికారాన్ని అందిస్తాయని సినీ నటుడు నారా రోహిత్ అన్నారు. తిరుపతిలోని జీవకోన, సత్యనారాయణపురంలో తెదేపా ఎమ్మెల్యే అభ్యర్థి సుగుణమ్మతో కలిసి ఎన్నికల ప్రచారం చేశారు. నియోజకవర్గ అభివృద్ధికి కృషి చేసే సుగుణమ్మను గెలిపించాలని అభ్యర్థించారు. తెలుగుదేశం ప్రభుత్వం రాష్ట్రంలో పేదలకు అండగా నిలిచిందన్నారు. ఈ అభివృద్ధి కొనసాగాలంటే తెదేపాను ఇంకొకసారి ఆశీర్వదించాలని కోరారు.