మమ్మల్ని విస్మరించారు.. అందుకే ఓడారు!

మాదిగలను విస్మరించినందుకే ఎన్నికల్లో తెదేపా ఓటమి పాలైందని ఎమ్మార్పీఎస్ అధ్యక్షుడు మందకృష్ణ మాదిగ అభిప్రాయపడ్డారు. జూలై 7న ప్రకాశం జిల్లా ఈడుముడిలో ఎమ్మార్పీఎస్ మహాసభ నిర్వహిస్తున్నట్టు చెప్పారు.

గత 20 ఏళ్లుగా ఎమ్మార్పీఎస్ ఎస్సీ వర్గీకరణపై పోరాటం చేస్తోందని సమితి నాయకుడు మందకృష్ణ మాదిగ చెప్పారు. చిత్తూరు జిల్లా మదనపల్లిలో విలేకరులతో మాట్లాడారు. ఐదేళ్ల పాలనలో తెదేపా ప్రభుత్వం మాదిగలను విస్మరించడమే ఆ పార్టీ ఓటమికి కారణమని అభిప్రాయపడ్డారు. 2019 ఎన్నికల్లో నాలుగు లోక్​సభ స్థానాలను ఎస్సీలకు కేటాయించాలని కోరినా తెదేపా ప్రభుత్వం పట్టించుకోలేదన్నారు. జూలై 7వ తేదీన ప్రకాశం జిల్లా ఈడుముడిలో ఎమ్మార్పీఎస్ మహాసభ నిర్వహిస్తున్నామని చెప్పారు. జూన్ 5 నుంచి రెండు తెలుగు రాష్ట్రాల్లో ఎమ్మార్పీఎస్ నాయకులు పాదయాత్రలు చేపడతారని పేర్కొన్నారు.

ఇవీ చూడండి : చల్లని ఐడియా.. ఎండ నుంచి ఇలా తప్పించుకోండి!