మదనపల్లిలో భూవివాదం...ఇరు వర్గాలు ఒకరిపై ఒకరు దాడి
చిత్తూరు జిల్లా మదనపల్లి మండలం మిట్టామర్రి వాండ్ల పల్లెలో భూ వివాదం ఇరు వర్గాల మధ్య ఘర్షణకు దారితీసింది. గ్రామానికి చెందిన వెంకట రమణా రెడ్డి.. తన పొలంలో టమోటో పైరు వేసుకోగా.... ఈ స్థలం తనకు తనదని మదనపల్లె మాజీ ఎంపీపీ సుజన భర్త బాల కృష్ణారెడ్డి, మరో ఇద్దరు వ్యక్తులతో కలిసి వాగ్వాదానికి దిగారు. ట్రాక్టర్తో... పొలాన్ని దున్నే ప్రయత్నం చేశారు. వారిని వారించే ప్రయత్నం చేయగా... ఎంపీపీ మనుషులు తమపై దాడి చేశారని వెంకటరమణా రెడ్డి కుటుంబ సభ్యులు ఆరోపించారు. ఈ ఘటనలో వెంకట రమణా రెడ్డి గాయపడ్డారు. ఆగ్రహించిన కుటుంబ సభ్యులు ఎంపీపీ కారుని ధ్వంసం చేశారు.