'జగన్​కు ఓటేస్తే... మరణశాసనం రాసుకున్నట్లే'

'ప్రతిపక్ష నేత జగన్​కు ఓటేస్తే మన మరణశాసనం మనమే రాసుకున్నట్లే. అవినీతిపరుడికి అవకాశం ఇస్తే కేసుల మాఫీకి ప్రయత్నిస్తాడే తప్ప, ప్రజల గురించి పట్టించుకోడు. రాష్ట్రాన్ని విభజించి తప్పు చేసినందుకు కాంగ్రెస్​ను శిక్షించాం. వేల కోట్లు అవినీతి చేసిన దుర్మార్గుడికి ఈ ఎన్నికల్లో ఓటు వేస్తామా?'- చంద్రబాబు

కోట్ల రూపాయల అక్రమాలకు పాల్పడిన వ్యక్తికి ఓటు వేస్తే మన మరణశాసనం మనమే రాసుకున్నట్లని ముఖ్యమంత్రి చంద్రబాబు నాయుడు హెచ్చరించారు. జగన్ ఫ్యాను ఏపీలో ఉంటే స్విచ్ హైదరాబాద్​లో ఉందని ఎద్దేవా చేశారు. హైదరాబాద్​లో భూ అక్రమాలకు పాల్పడిన జగన్​ని కేసీఆర్ తన ఆధీనంలో పెట్టుకోరాఅని ప్రశ్నించారు. జగన్​ అక్రమాస్తులపై దర్యాప్తు చేయాలని సీబీఐకి ఈడీ లేఖ రాసి రెండు సంవత్సరాలైనా చర్యలు ఎందుకు తీసుకోలేదని ప్రశ్నించారు. భాజపా, వైకాపా రెండూచేతులు కలిపాయనడానికి ఇది నిదర్శనమని అమరావతి ప్రజావేదికలో స్పష్టం చేశారు.