దిల్లీలో జాతీయ నేతలతో చంద్రబాబు భేటీ

దిల్లీ పర్యటనలో ఉన్న రాష్ట్ర ముఖ్యమంత్రి చంద్రబాబు.. జాతీయ పార్టీల నేతలను కలిశారు. కాంగ్రెస్ నేత అహ్మాద్ పటేల్​తో పాటు ఆ పార్టీ అధ్యక్షుడు రాహుల్ గాంధీ రాజకీయ సలహాదారు శ్యామ్ పిట్రోడాను కలిశారు.

సార్వత్రిక ఎన్నికల నిర్వహణలో ఈసీ వైఫల్యాలపై జాతీయ స్థాయిలో పోరాడేందుకు సిద్ధమైనట్లు ప్రకటించిన చంద్రబాబు.. దిల్లీ పర్యటనలో జాతీయ నేతలతో వరుస సమావేశాలు నిర్వహిస్తున్నారు. కాంగ్రెస్ పార్టీ అగ్రనేత అహ్మాద్ పటేల్​తో భేటీ అనంతరం రాహుల్ గాంధీ రాజకీయ సలహాదారులు శ్యామ్ పిట్రోడాతో పలు అంశాలపై చర్చించారు. తర్వాత ఏపీ భవన్​లో కేంద్ర మాజీ మంత్రి కపిల్ సిబల్ తో భేటీ అయ్యారు. ఈసీ వైఖరి, సుప్రీంకోర్టులో దాఖలు చేయనున్న రివ్యూ పిటిషన్ పై చంద్రబాబు మంతనాలు జరిపారు.