బావిలో పడిన ఎద్దు... బయటకు తీసిన గ్రామస్థులు

అదుపు తప్పి ఎద్దు బావిలో పడిన ఘటన తెలంగాణలోని నారాయణపేట జిల్లాలో జరిగింది. జేసీబీ సాయంతో బయటకు తీసి చికిత్స అందించారు.

తెలంగాణలోని నారాయణపేట జిల్లా ఊట్కూర్​ మండలం మల్లేపల్లిలో ప్రమాదవశాత్తు ఎద్దు బావిలో పడింది. మూగజీవి అరుపులు విన్న స్థానికులు జేసీబీ సాయంతో, తాళ్లు కట్టి ఎద్దును బయటకు తీశారు. సమాచారం తెలుసుకున్న పశువైద్య సిబ్బంది అక్కడికి చేరుకొని అత్యవసర చికిత్స అందించారు.

ఇదీ చూడండి:మరణంలోనూ వీడని బంధం.. చెల్లి వెంటే అన్న పయనం