ఎట్టకేలకు... హైదరాబాద్​ చేరుకున్న చంద్రబాబు

తెలుగుదేశం అధినేత చంద్రబాబు ప్రయాణిస్తున్న విమానాన్ని దారి మళ్లించారు.  వాతావరణం అనుకూలించకే ఈ నిర్ణయం తీసుకున్నట్టు అధికారులు తెలిపారు.

తెదేపా అధినేత చంద్రబాబుకు ప్రతికూల వాతావరణం ఇబ్బంది కలిగించింది. విజయవాడ నుంచి హైదరాబాద్​కు విమానంలో బయల్దేరగా... వాతావరణంతో అనూకులంగా లేని పరిస్థితుల్లో హైదరాబాద్ బదులు బెంగుళూరుకు విమానాన్ని మళ్లించారు. రాత్రి 9.20 గం.కు బెంగుళూరు చేరుకున్నారు. అయితే.. ఎట్టకేలకు విమానం బెంగళూరు నుంచి హైదరాబాద్​కు చేరుకుంది. అర్ధరాత్రి 1:30గం.కు చంద్రబాబు,లోకేశ్‌... ఏడుగంటలు ఆలస్యంగా భాగ్య నగరానికి చేరుకున్నారు.