"మురుగునీటి" పంచాయితీ... హత్యకు దారితీసింది!

చిన్న గొడవ హత్యకు కారణమైంది. పక్కపక్కన ఉన్న కుటుంబాల మధ్య మురుగునీటి సమస్య మహిళ నిండుప్రాణాలను బలితీసుకుంది. పక్కింటి యువతిని రోకలిబండతో కొట్టి చంపిన ఘటన తాడిపత్రిలో చోటుచేసుకుంది.

అనంతపురం జిల్లా తాడిపత్రిలోని జయనగర్​ కాలనీలో పూస లక్ష్మీదేవి, మహబూబ్ బీ కుటుంబాలు పక్కపక్కన ఇళ్లలో నివాసం ఉంటారు. మహబూబు బీ ఇంటి నుంచి వచ్చే మురుగునీరు లక్ష్మీదేవి ఇంటి ముందర నిల్వ ఉంటున్నాయి. ఈ విషయమై ఇరు కుటుంబాల మధ్య గత కొన్ని రోజులుగా వాగ్వాదం జరుగుతోంది. ఈనెల 14న మళ్లీ గొడవైంది. అది తారస్థాయికి చేరి లక్ష్మీ దేవి కుటుంబం రోకలిబండ, కర్రలతో మహబూబ్ బీపై దాడిచేశారు. అడ్డువచ్చిన ఆమె కుమార్తె మున్నీపైనా దాడికి దిగారు. ఈ ఘటనలో మున్నీకి తీవ్రగాయాలయ్యాయి. ఆమెను స్థానిక ఆసుపత్రికి తరలించగా.. మెరుగైన వైద్యం కోసం కర్నూలు ప్రభుత్వాసుపత్రికి తీసుకెళ్లమని వైద్యులు చెప్పారు. అక్కడ చికిత్స పొందుతూ ఈనెల 17న ఆమె మృతి చెందారు. ఈ ఘటనలో లక్ష్మీదేవి కుటుంబంలోని నలుగురిని పోలీసులు అదుపులోకి తీసుకున్నారు.

ఇవీ చదవండి..
సరదా ఆటకు.. ఆరేళ్ల చిన్నారి బలి