ఆ బడిలో గోడలు పాఠాలు చెబుతాయి!
అనంతపురం జిల్లా ఉరవకొండ మండలం ఆమిద్యాల మండల పరిషత్ ప్రాథమిక పాఠశాలలో.... గోడలపై చిత్రాలు విద్యార్థుల్లో ఆలోచనలు రగిలిస్తున్నాయి. 315 మంది విద్యార్థులు చదువుకుంటున్న ఈ పాఠశాలలో... ఉపాధ్యాయుడిగా పనిచేస్తున్న శ్రీనివాసులు స్వతహాగా చిత్రకారుడు. మూడేళ్ల క్రితం బదిలీపై ఇక్కడికి వచ్చిన ఆయనకు... తరగతి గోడలపై పిచ్చి గీతలు కనిపించాయి. వాటి నుంచి విద్యార్థుల దృష్టి మళ్లించడానికి సొంత ఖర్చుతో ప్రతి గోడపై పాఠ్యాంశాలను పొందుపరుస్తూ చిత్రాలు గీశారు. దాదాపు అన్ని సబ్జెక్టుల నుంచి ప్రధానాంశాలను చిత్రించారు. ఖాళీ సమయాల్లో, సెలవు రోజుల్లో ఈ పనిని పూర్తి చేశారు. అంతేకాకుండా విద్యార్థుల్లో సామాజిక స్పృహ కలిగించే సామెతలు... వివిధ చిత్రాలు ఇక్కడ దర్శనమిస్తాయి.
పాఠశాల ఆకర్షణీయంగా...