అక్రమ తరలిస్తున్న తెలంగాణ మద్యం సీజ్​

అనంతపురం జిల్లా శింగనమల మండలం లోలూరు క్రాస్ రోడ్డు వద్ద అక్రమంగా తరలిస్తున్న తెలంగాణ మద్యాన్ని ఎస్​ఈబీ అధికారులు స్వాధీనం చేసుకున్నారు. వారికి అందిన సమాచారం మేరకు నిర్వహించిన తనిఖీల్లో మద్యం పట్టుబడింది.

అనంతపురం జిల్లా శింగనమల మండలం లోలూరు క్రాస్ రోడ్డు వద్ద ఎస్​ఈబీ అధికారులు తనిఖీలు చేపట్టారు. పది పెట్టెల్లో.. 480 మద్యం సీసాలను తరలిస్తున్న వాహనాన్ని పోలీసులు పట్టుకున్నారు. మద్యం రవాణాపై అందిన ముందస్తు సమాచారం మేరకు తనిఖీలు చేపట్టినట్లు ఎస్​ఈబీ సూపరిండెంట్ ధనుంజయ తెలిపారు. మద్యంతో పాటు వాహనాన్ని సీజ్​ చేసి.. ఇద్దరు వ్యక్తులను అదుపులోకి తీసుకున్నామని చెప్పారు. వారిని రిమాండ్​కు తరలిస్తామన్నారు. అక్రమంగా మద్యం సరఫరా చేస్తే.. కఠిన చర్యలు తప్పవని హెచ్చరించారు.

ఇదీ చదవండి:పోలీసులపై మాజీమంత్రి కొల్లు రవీంద్ర ఆగ్రహం