దారుణ హత్య : బండరాయితో కొట్టి... గొంతుకు తాడు బిగించి

అనంతపురం జిల్లాలో అత్యంత కీరాతకంగా ఓ వ్యక్తిని హత్య చేశారు. గుర్తుతెలియని ఓ వ్యక్తిని దుండగులు బండరాయితో కొట్టి, అప్పటికీ చనిపోలేదని తెలిసి.. గొంతుకు తాడు బిగించి హత్య చేశారు. ఈ ఘటనపై ఆత్మకూరు పోలీసులు విచారణ చేపట్టారు.

అనంతపురం జిల్లా ఆత్మకూరు మండలం వడ్డుపల్లిలో దారుణ హత్య జరిగింది. గుర్తుతెలియని వ్యక్తిని అగంతుకులు అత్యంత కిరాతంగా హత్య చేశారు. బండరాళ్లతో మోది, ప్రధాన రహదారిపై సుమారు 100 మీటర్లు లాక్కెళ్లి, అక్కడ గొంతుకు తాడు బిగించి చంపేశారు. పోలీసుల ప్రాథమిక విచారణలో ఈ విషయాలు తెలిశాయి.

శుక్రవారం తెల్లవారుజామున సమాచారం అందుకున్న ఆత్మకూరు పోలీసులు సంఘటన స్థలానికి చేరుకుని వివరాలు సేకరించారు. ఆ వ్యక్తి ఎవరు, ఎందుకు హత్య చేశారన్న విషయాలపై దర్యాప్తు చేస్తున్నారు.

ఇదీ చదవండి :సాల్మానుపురం వద్ద రోడ్డు ప్రమాదం... ఇద్దరు మృతి