పూజారి విన్యాసాలు.. ముళ్లకంపపై నడక..

కాలుకు ఒక్క ముళ్లు గుచ్చుకుంటే మనం విలవిల్లాడిపోతాం. అలాంటిది ఆ పూజారి ఏకంగా ముళ్లకంపపై సాహసమే చేశాడు. అటూ ఇటూ తిరుగుతు.. ఆ కంపపైనే పడుకుంటున్నాడు. ఈ తంపు చూడాలంటే మాత్రం అనంతపురం జిల్లా బెలుగుప్ప తండాకు వెళ్లాల్సిందే.. ఆ జాతరలో ఈ కార్యక్రమం తరాతరాలుగా ఆనవాయితీగా వస్తోంది.

అనంతపురం జిల్లా బెలుగుప్ప మండలంలోని బెలుగుప్ప తండాలో వినూత్న రీతిలో సాగే మారెమ్మ జాతర వైభవంగా జరిగింది. ఈ జాతరకు సరిహద్దు ప్రాంతంలోని కర్ణాటక రాష్ట్రంలోని గిరిజనులు, బెలుగుప్ప మండలంలోని తండావాసులు మొక్కులు చెల్లించుకునేందుకు వేలాదిగా తరలి వచ్చారు. ఉదయం మహిళలచే పూర్ణకుంభ కలశాలతో ఊరేగింపు తో ప్రారంభమైన ఈ జాతర కన్నుల పండుగగా జరిగింది. ఈ మారెమ్మ జాతరలో ఆలయ పూజారి పెద్ద గుట్టగా వేసిన ముల్లకంపలను ఎక్కుతూ వెళ్లి అటువైపు ఉన్న అమ్మవారిని దర్శించుకొని ఆ పదునైన ముల్లపై పడుకొంటారు. ఒళ్లు గగుర్పొడిచే ఈ ఘట్టం జాతరకే ప్రధాన ఆకర్షణగా అక్కడి భక్తులు చెబుతున్నారు.

ఇదీ చదవండి:పాఠశాలలో ఇద్దరికి కరోనా పాజిటివ్.. భయాందోళనలో తల్లిదండ్రులు