అనంతపురం జిల్లాలో అప్పుల బాధతో ఓ అన్నదాత ఆత్మహత్యకు పాల్పడ్డాడు. కంబదూరు మండల కేంద్రం శివారులో నాగార్జున అనే రైతు.. స్థానిక ఉన్నత పాఠశాల సమీపంలో ఓ చెట్టుకు ఉరి వేసుకుని బలవన్మరణం చేసుకున్నాడు.
నాగార్జున.. ఉన్న 4 ఎకరాల పొలంలో 5 బోర్లు వేసి రూ.8 లక్షలు అప్పులు చేశాడని తోటి రైతులు తెలిపారు. మృతదేహాన్ని పోస్టుమార్టం కోసం కళ్యాణదుర్గం ప్రభుత్వ ఆసుపత్రికి తరలించారు. పోలీసులు కేసు నమోదు చేశారు. మృతుడికి భార్య, ముగ్గురు కూతుళ్లు ఉన్నారు.