ఏపీపై ఎన్నికల సంఘం తీరు ఆక్షేపణీయం

ఎన్నికలు సజావుగా నిర్వహించడంలో ఈసీ పూర్తిగా విఫలమైందని... ప్రజా సమస్యల పరిష్కారానికి అడ్డుపడుతోందని సీపీఐ రాష్ట్ర కార్యదర్శి కె.రామకృష్ణ విమర్శించారు. అనంతపురం జిల్లాలో పర్యటించిన రామకృష్ట ఎన్నికల కమిషన్ తీరును తప్పుబట్టారు.

కరవుతో ప్రజలు, రైతులు ఇబ్బంది పడుతుంటే... నివారణ చర్యలపై నిర్ణయం తీసుకోవడానికి ఏర్పాటు చేసిన మంత్రివర్గ సమావేశంపై ఆంక్షలు పెట్టడం ఆక్షేపణీయమని రామకృష్ణ విమర్శించారు. భాజపా ప్రభుత్వం అధికారంలో ఉన్న రాష్ట్రాల్లో మంత్రివర్గ సమావేశాలు నిర్వహిస్తున్నా పట్టించుకోని ఈసీ... భాజపాను వ్యతిరేకిస్తున్న ఆంధ్రప్రదేశ్ ప్రభుత్వంపై మాత్రం ఆంక్షలు పెట్టిందని ఆరోపిచారు. అధికారులు ప్రభుత్వానికి సహకరించి ప్రజాసమస్యలను పరిష్కరించాలని రామకృష్ణ కోరారు.