ఇన్నోవాలో రూ.1.5 కోట్లు

అనంతపురం జిల్లా చిన్నకొత్తపల్లి  44వ జాతీయ రహదారి పై తనిఖీల్లో రూ.1.5కోట్ల నగదును పోలీసులు పట్టుకున్నారు. తెలంగాణకు చెందిన ఇన్నోవా వాహనంలోని బ్యాగుల్లో సరైన ఆధారాలు లేని నగదును గుర్తించారు.

అనంతపురం జిల్లా చిన్నకొత్తపల్లి 44వ జాతీయ రహదారి పై హైదరాబాద్ నుంచి బెంగళూరుకు తరలిస్తోన్న రూ. 1.5 కోట్ల నగదును పోలీసులు పట్టుకున్నారు. శుక్రవారం సాయంత్రం వాహనాల తనిఖీలు చేస్తుండగా తెలంగాణకు చెందిన ఇన్నోవా వాహనంలోని బ్యాగుల్లో 500, 2వేల రూపాయల నోట్లను గుర్తించారు. సరైన ఆధారాలు లేనికారణంగా నగదును స్టేషన్​కు తరలించామని పోలీసులు తెలిపారు. వాహనంలోని 5గురు వ్యక్తులను అదుపులోకి తీసుకున్నారు.