కదిరిలో భాజపా ర్యాలీ
అనంతపురం జిల్లా కదిరిలో భాజపా జిల్లా అధ్యక్షుడు వజ్ర భాస్కర్ రెడ్డి ప్రమాణ స్వీకారానికి పార్టీ జాతీయ కార్యదర్శి సత్య కుమార్ హాజరయ్యారు. వైకాపా, తెదేపాలు రాష్ట్ర అభివృద్ధిని గాలికి వదిలి అవినీతిలో పోటీ పడుతున్నాయని ఆయన విమర్శించారు. సీఏఏతో భారతీయులు ఆందోళన చెందాల్సిన అవసరం లేదన్నారు. రాజధాని అభివృద్ధికి కేంద్ర ప్రభుత్వం నిధులు కేటాయించిందని సత్యకుమార్ గుర్తు చేశారు. ప్రమాణస్వీకారానికి ముందు భాజాపా నాయకులు పట్టణంలో భారీ ప్రదర్శన నిర్వహించారు.