"వంద గ్రాముల బరువున్న ఓ జీవి మనతో కలిసి బతకలేకపోతే... మనకింత సాంకేతికత ఎందుకు" తెలుగు సినిమా డైలాగ్లా అనిపించినా ఇది నిజం.. భూమిపై నివసించే సకశేరుకాల్లో(వెన్నెముక గల జంతువులు) 25శాతం మానవ తప్పిదం వల్ల మరణిస్తున్నాయని తాజా సర్వేలో తేలింది. వెయ్యికి పైగా నివేదికలను పరిశీలించి, 42వేల 755 జీవుల మరణాలను విశ్లేషించింది అమెరికా వ్యవసాయ విభాగం.
"35వేల జాతులున్న ఈ భూమండలంలో కేవలం ఓ వర్గానికి చెందిన మానవుల వల్లే ఇంత నష్టం సంభవిస్తోంది. దీనికి మనమందరం బాధ్యత వహించాల్సి ఉంది. పట్టణీకరణ వల్ల భూమిని మానవులు విపరీతంగా వినియోగిస్తున్నారు. దీనివల్ల వన్యప్రాణుల మనుగడ ప్రశ్నార్థకంగా మారింది".
- జేరాల్డ్ ఎల్. బెలాండ్, నివేదిక సహరచయిత