అనిశా దాడులు: దేవాదాయ ఈవోకు 2కోట్ల అక్రమాస్తులు

అనిశా దాడుల్లో గూడూరు దేవాదాయ శాఖ ఈవో అక్రమాస్తులు బయటపడ్డాయి. వాటి విలువ రూ. 2 కోట్ల వరకూ ఉంటుందని అధికారులు  వెల్లడించారు.  సోదాలు ఇంకా కొనసాగుతున్నాయి.

కర్నూలు జిల్లా ఆదోనిలో అవినీతి నిరోధక శాఖాధికారులు దాడులు చేశారు. గూడూరు దేవాదాయ శాఖ ఈవో రామ్​ప్రసాద్​ ఇంట్లో జరిగిన సోదాల్లో.. రూ. 2 కోట్లకు పైగా అక్రమాస్తులున్నట్లు గుర్తించారు. రామ్​ప్రసాద్​ భార్య పేరిట 22 ప్లాట్లు, రూ. 22 లక్షలు విలువ చేసే ప్రామిసరి నోట్లు బయటపడ్డాయి. ఆవినీతి ఆరోపణల ఆధారంగా తనిఖీలు చేపట్టామని..అనిశా డీఎస్పీ నాగభూషణం వెల్లడించారు. రామ్​ప్రసాద్​ బంధువుల సోదాలు కొనసాగిస్తున్నామని తెలిపారు.

ఇవీ చదవండి..200 నోటును చింపేసి.. 2వేల నోటు తయారుచేశారు.. దొరికిపోయారు..!