VRA Murder: ఎమ్మార్వో ఆఫీసులో వీఆర్​ఏ హత్య..!

VRA murder in telangana: తెలంగాణలోని మంచిర్యాల జిల్లా కన్నెపల్లిలో దారుణం జరిగింది. తహశీల్దార్ కార్యాలయంలో వీఆర్​ఏ దుర్గం బాబు హత్యకు గురయ్యాడు. కన్నెపల్లి తహశీల్దార్ కార్యాలయాన్ని ఇవాళ ఉదయం తెరవడానికి వచ్చిన సిబ్బంది.. దుర్గంబాబును చూసి షాకయ్యారు.

VRA murder in telangana: తెలంగాణలోని మంచిర్యాల జిల్లా కన్నెపల్లిలో దారుణం చోటు చేసుకుంది. తహశీల్దార్ కార్యాలయంలో వీఆర్​ఏ దుర్గం బాబు హత్యకు గురయ్యాడు. కార్యాలయ సిబ్బంది సమాచారంతో ఘటనాస్థలికి చేరుకున్న పోలీసులు కేసు నమోదు చేసుకున్నారు.

కన్నెపల్లి తహశీల్దార్ కార్యాలయాన్ని ఇవాళ ఉదయం తెరవడానికి వచ్చిన సిబ్బంది.. ఆఫీసులో ఓ వ్యక్తి రక్తపు మడుగులో ఉండటం గమనించి షాకయ్యారు. వెంటనే పోలీసులకు సమాచారం అందించారు. ఘటనాస్థలికి చేరుకున్న పోలీసులు రక్తపు మడుగులో ఉన్న వ్యక్తి వీఆర్​ఏ దుర్గం బాబుగా గుర్తించారు. కేసు నమోదు చేసుకుని అతణ్ని ఎవరు హత్య చేసుంటారనే కోణంలో దర్యాప్తు చేస్తున్నారు. దుర్గం బాబు గురించి కార్యాలయ సిబ్బందిని ఆరా తీశారు. అతనికి ఎవరితో అయినా గొడవలున్నాయా అని ప్రశ్నించారు. దుర్గం బాబు కొత్తపల్లి వీఆర్​ఏగా పని చేస్తున్నట్లు సిబ్బంది తెలిపారు.

ఇదీ చదవండి :