5వ రోజుకు చేరిన ఆన్లైన్ క్యాబ్ డ్రైవర్స్ అండ్ ఓనర్ల సంఘం ఆందోళన
విశాఖలో ఆన్లైన్ క్యాబ్ డ్రైవర్స్ అండ్ ఓనర్ల సంఘం చేపట్టిన ఆందోళన 5వ రోజుకు చేరింది. ఎన్నికల సమయంలో జిల్లా అధికారులు తమకు చెల్లించాల్సిన బకాయిలు వెంటనే చెల్లించాలని డిమాండ్ చేస్తూ.. ఈ ఆందోళన చేస్తున్నారు.సార్వత్రిక ఎన్నికల్లో తమ కార్లను అద్దెకు తీసుకున్న జిల్లా అధికారులు...ఇప్పటికీ అద్దె చెల్లించకపోవడం శోచనీయమని ఆవేదన వ్యక్తం చేస్తున్నారు. కలెక్టర్కు స్పందనలో పలుమార్లు తమ సమస్యలు విన్నవించినాఎటువంటి భరోసా రాలేదంటున్నారు.గత ఐదు నెలల నుంచి వాహనాలకు ఫైనాన్స్ కట్టలేకపోతున్నామని.. కొన్ని కార్లను ఫైనాన్షియర్లు తీసుకెళ్లిపోయారని వాపోయారు. జిల్లా అధికారులు వెంటనే స్పందించి తమకు చెల్లించాల్సిన బకాయిలు తక్షణమే విడుదల చేయాలని డిమాండ్ చేశారు.