రాష్ట్ర ఎన్నికల సంఘానికి వైకాపా ఫిర్యాదు చేసింది. తెదేపా అక్రమాలకు పాల్పడుతోందంటూ తమ ఫిర్యాదులో పేర్కొంది. కుప్పంలో వారం రోజులుగా తెదేపా అక్రమాలకు పాల్పడుతోందని వైకాపా రాష్ట్ర ప్రధాన కార్యదర్శి లేళ్ల అప్పిరెడ్డి ఎస్ఈసీకి ఫిర్యాదు చేశారు.
చంద్రబాబు కుప్పానికి వెళ్లాల్సిన అవసరమేంటని ఆయన ప్రశ్నించారు. చంద్రబాబును కుప్పానికి వెళ్లకుండా నిలువరించాలని కోరారు. తమ ఫిర్యాదుపై ఎన్నికల అధికారులు సానుకూలంగా స్పందించినట్లు అప్పిరెడ్డి తెలిపారు.