Girl suicide case: విజయవాడలోని భవానీపురంలో ఆత్మహత్యకు పాల్పడిన విద్యార్థిని కుటుంబ సభ్యులను.. తెదేపా అధినేత చంద్రబాబు ఫోన్ ద్వారా పరామర్శించారు. పార్టీ నేత బుద్దా వెంకన్న, రాష్ట్ర తెలుగు మహిళ అధ్యక్షురాలు వంగలపూడి అనిత.. బాలిక ఇంటికి వెళ్లి పరామర్శించారు. పార్టీలకతీతంగా.. దోషులను కఠినంగా శిక్షించాలని బుద్దా వెంకన్న డిమాండ్ చేశారు. వినోద్ జైన్ను పార్టీ నుంచి సస్పెండ్ చేశామని వారు స్పష్టం చేశారు.
కుటుంబ సభ్యులు కోరుకుంటే.. తెదేపా తరపున ప్రత్యేక న్యాయవాదిని నియమిస్తామన్నారు. ఆత్మహత్యను రాజకీయం చేయడం సరికాదని, పార్టీ తరుపున కుటుంబ సభ్యులకు పూర్తి సహాయ సహకారాలు అందిస్తామని బుద్దా హామీ ఇచ్చారు.
దోషులను కఠినంగా శిక్షించాలని..
బాలిక రాసిన సూసైడ్ నోట్ ప్రకారం దోషులను కఠినంగా శిక్షించాలని.. వంగలపూడి అనిత అన్నారు. అనూష, రమ్యను చంపినవారు బయట తిరుగుతున్నారని, అణగారిన వర్గానికి చెందిన కుటుంబానికి న్యాయం చేయాలని అనిత డిమాండ్ చేశారు.
ఉపాధ్యాయురాలిగా కూతురును రక్షించుకోలేకపోయానని, పాఠశాలలో పిల్లలను ఎలా రక్షించగలనని మృతురాలి తల్లి ఆవేదన వ్యక్తం చేశారు. చంద్రబాబు మంచి కోరుకుంటారని, చెడు కోరుకోరని ఆమె నమ్మకం వ్యక్తం చేశారు.