APSRTC: పల్లె బస్సులకు కొత్త సొబగులు.. ఆదాయం పెంచుకునేలా చర్యలు

ఆకట్టుకునే రంగులు.. సౌకర్యవంతమైన సీట్లు.. వెలుతురు విరజిమ్మే ఎల్​ఈడీ లైట్లు.. ల్యాగేజ్‌ క్యాబిన్లు, కుదుపుల్లేకుండా ప్రయాణించే ఏర్పాట్లు..! ఇలాంటి అధునాతన సదుపాయాలు ఇకపై పల్లెవెలుగు బస్సుల్లో(pallevelugu bus remodeling)నూ కనిపించనున్నాయి. గ్రామాలకు తిరిగే బస్సుల రూపురేఖలు మార్చాలని నిర్ణయించిన ఆర్టీసీ.. వాటికి కొత్త సొబగులు అద్దుతోంది. గ్రామీణుల ఆదరణ చూరగొనడంతోపాటు ఆదాయాన్నీ పెంచుకునేందుకు చర్యలు చేపట్టింది.

ఆర్టీసీకి ప్రస్తుతం 11 వేల సొంత బస్సులున్నాయి. వీటిలో గ్రామీణ ప్రాంతాలకు తిరిగే పల్లెవెలుగు బస్సుల్లో 4 వేల 100బస్సులు 9 లక్షల కిలోమీటర్లు పైగా తిరిగాయి. తరచూ మరమ్మతులకు గురవుతూ, సీట్లు చిరిగిపోయి, డొక్కు బస్సులుగా తిరుగుతున్నాయి. ఈ బస్సుల్లో ప్రయాణానికి ప్రయాణికుల ఆసక్తి చూపడం లేదు. పలువురు ప్రైవేటు ఆటోలను ఆశ్రయిస్తున్న కారణంగా ఆర్టీసీ ఆదాయం పడిపోతోంది. ఫలితంగా గ్రామీణ ప్రాంత సర్వీసుల్లో నష్టాలు మరింత పెరుగుతున్నాయి. పరిస్ధితిని మార్చాలని నిర్ణయించిన ఆర్టీసీ పల్లెవెలుగు బస్సుల్లో(modifying rtc pallevelugu busses) సదుపాయాలను కల్పించాలని నిర్ణయించింది.

వేగంగా బస్సుల ఆధునికీకరణ..

సాధారణంగా 12 లక్షల కిలోమీటర్లు తిరిగిన బస్సులను కాలం చెల్లినవిగా పరిగణిస్తారు. మరో 3 లక్షల కిలోమీటర్లు తిరిగేందుకు అవకాశం ఉన్న ఈ బస్సులకు పూర్తి స్థాయిలో మరమ్మతులు చేయడం సహా కొత్త సొబగులు అద్ది.. 4 వేల పల్లెవెలుగు బస్సులను కొత్త బస్సుల్లా తయారు చేయాలని ఆర్టీసీ ఎండీ ద్వారకా తిరమలరావు(apsrtc md dwaraka tirumala on pallevelugu busses remodeling) ఆదేశించారు. ఆర్టీసీలోని 4 ప్రధాన వర్క్ షాపుల్లో పల్లెవెలుగు బస్సుల ఆధునికీకరణ ప్రక్రియ శరవేగంగా జరుగుతోంది. విజయవాడ, నెల్లూరు, విజయనగరం, కడప వర్క్ షాపుల్లో వాటి పరిధిలోని డిపోల్లో ఉన్న పల్లెవెలుగు బస్సులన్నింటికీ రూపు మార్చుతున్నారు. సరికొత్తగా తయారు చేస్తున్నారు.

చేయాల్సిన మరమ్మతులపై చార్టు..

పల్లె వెలుగు బస్సులకు ఫిట్ నెస్ ఉండేలా సంస్థ చర్యలు తీసుకుంటోంది. బస్సుల గుర్తింపు కోసం తొలుత డిపోల్లో ఉన్నతాధికారులతో కమిటీ నియమిస్తారు. 9 లక్షల కిలోమీటర్లు పైన తిరిగిన బస్సులను గుర్తించి వాటిలో చేయాల్సిన మరమ్మతులను గుర్తించి చార్టు తయారు చేస్తారు. బస్సుల్లో సీట్లు , లైటింగ్, కిటికీ అద్దాలు, తదితర వాటి పరిస్ధితిని నమోదు చేసి మార్చాల్సిన వాటిని సూచిస్తారు.

ఫిట్ నెస్ ధ్రువీకరణ చేశాకే డిపోలకు పంపేలా..

బస్సులన్నింటిలో ఇంజిన్​కు అవసరమైన మరమ్మతులను పూర్తి స్థాయిలో చేస్తున్నారు. వర్క్ షాపుల్లోని అధునాతన యంత్రాలు, సహా సరికొత్త సాంకేతిక పరిజ్ఞానంతో ఇక్కడి సిబ్బంది రిపేర్​ చేస్తున్నారు. దీనికోసం అన్ని వర్క్ షాపుల్లో అవసరమైన అదనపు సిబ్బందిని ఆర్టీసీ నియమించింది. బస్సు ఇంజిన్ సహా చక్రాలు, బ్రేకులు, గేర్లు, తదితర కీలక భాగాలన్నీ ఫిట్​గా ఉండేలా అవసరమైన విడిభాగాలను అమర్చుతున్నారు. బస్సు అన్ని విధాలా ఫిట్ నెస్ ఉందని ధ్రువీకరణ చేశాకే వాటిని సంబంధిత డిపోలకు పంపిస్తున్నట్లు అధికారులు స్పష్టం చేస్తున్నారు.

వచ్చే మార్చి నాటికి కొత్త బస్సులు

ఆర్టీసీ(apsrtc)కి నాలుగు వర్క్ షాపులు ఉండగా.. ప్రతి వర్క్ షాపులో పదకొండు రోజులకో కొత్త బస్సును పూర్తి చేయాలని నిర్ణయించారు. ఈ మేరకు అక్కడ అవసరమైన సిబ్బందిని నియమించి శరవేగంగా పనులు చేయిస్తున్నారు. ఒక్కో బస్సుకు కేవలం 2 లక్షలలోపు మాత్రమే వ్యయం చేస్తున్నట్లు అధికారులు తెలిపారు..ప్రయాణికులకు మెరుగైన సదుపాయాలు కల్పించడమే లక్ష్యంగా ఈ తరహా చర్యలు తీసుకుంటున్నట్లు తెలిపారు. వచ్చే మార్చి నాటికల్లా సంస్థలో 9 లక్షలు కిలోమీటర్లు దాటిన 4 వేల 100 బస్సులన్నింటినీ కొత్త బస్సులు( remodeling rtc pallevelugu busses)గా రోడ్డెక్కించడమే లక్ష్యంగా పనులు సాగిస్తున్నారు. గ్రామీణ ప్రాంతాలకు తిరిగే పల్లెవెలుగు బస్సులన్నింటిలోనూ దశలవారీగా ఆధునికీకరించి, మెరుగైన సదుపాయాలు కల్పించేలా ఆర్టీసీ ప్రణాళికలు సిద్దం చేసింది.

ఇదీ చదవండి..