ఉద్యోగులకు ఇచ్చే పీఆర్సీని (Venkatarami Reddy on prc) డిసెంబరు మొదటి వారంలోగా ప్రకటిస్తామని ముఖ్యమంత్రి జగన్ తెలిపినట్లు సచివాలయ ఉద్యోగుల సంఘం అధ్యక్షుడు వెంకట్రామి రెడ్డి చెప్పారు.
అసెంబ్లీ సమావేశాలు ముగిసిన వారం రోజుల్లోనే ఈ నిర్ణయం తీసుకుంటామని సీఎం హామీ ఇచ్చారని అన్నారు. గ్రామ, వార్డు సచివాలయ ఉద్యోగుల ప్రొబేషన్ ప్రకటించాలని సీఎంను కోరినట్లు వివరించారు. నివేదిక కంటే ముందే ఉద్యోగులకు పీఆర్సీ ప్రకటించాలని ప్రభుత్వం భావిస్తోందని చెప్పుకొచ్చారు.