'నాకు పదవి ఇవ్వడం అంటే బలహీనవర్గాలను గుర్తించడమే'

జనసేన పార్టీ విజయవాడ నగర అధ్యక్షుడిగా పోతిన మహేశ్​​ను నియమించారు పవన్​ కల్యాణ్​. ఈ సందర్భంగా పార్టీ అధినేతకు పోతిన ధన్యవాదాలు తెలిపారు.

జనసేన పార్టీ విజయవాడ నగర అధ్యక్షుడిగా పోతిన మహేశ్​ నియమితులయ్యారు. ఈ సందర్భంగా పార్టీ అధినేత పవన్​ కల్యాణ్​కు పోతిన ధన్యవాదాలు తెలిపారు. తనకు పదవి ఇవ్వడం అంటే బలహీనవర్గాలను గుర్తించడమేనని అభిప్రాయపడ్డారు. పార్టీ కేటాయించిన పదవుల్లో 50 శాతం బీసీ, ఎస్సీ, ముస్లింలకు కేటాయించడం హర్షణీయమన్నారు. కమిటీల కూర్పులో మహిళలకు, యువతకు పెద్ద పీట వేసిన పవన్ కళ్యాణ్​కు రాష్ట్రవ్యాప్తంగా అన్ని వర్గాల ప్రజల దగ్గర నుంచి మద్దతు లభిస్తుందని ఆశాభావం వ్యక్తం చేశారు.

జీవో నెంబర్ 2 రద్దు ప్రభుత్వానికి చెంపదెబ్బని విమర్శించారు. సీఎం జగన్ ఇకనుంచైనా నియంతృత్వ పోకడలు మానేసి ప్రజాస్వామ్యబద్ధంగా పాలన చేయాలని హితవు పలికారు.

ఇదీ చదవండి:Pothina Mahesh : 'పత్రికా ప్రకటన లేకుండా ఉద్యోగాలు ఎలా భర్తీ చేస్తారు..?'