కృష్ణా జిల్లాలో కరోనా బాధితులకు వైద్య సేవలందించేందుకు.. సుజన ఫౌండేషన్ సహకారంతో వెన్యూ కన్వెన్షన్లో మరో వంద పడకల అదనపు కొవిడ్ ఆస్పత్రిని అధికారులు ఏర్పాటు చేశారు. విజయవాడ జీజీహెచ్కు అనుబంధంగా ఏర్పాటు చేసిన నూతన కేంద్రంలో చికిత్సలను అందించనున్నారు. ఆక్సిజన్ కాన్సంట్రేటర్స్తో సహా ఇక్కడ పలు వైద్య సౌకర్యాలు సమకూర్చారు.
ప్రతి 10 మందికి ఓ వైద్యుడు..
ప్రతి 10 మంది కొవిడ్ బాధితులకు ఓ వైద్యుడి చొప్పున మొత్తం పది మంది ప్రైవేట్ ఆస్పత్రి వైద్యులు.. ఇక్కడి వంద పడకలను పర్యవేక్షించనున్నట్లు కృష్ణా కలెక్టర్ ఇంతియాజ్ తెలిపారు. జిల్లా కొవిడ్ నోడల్ అధికారి, సంయుక్త కలెక్టర్ ఎల్. శివశంకర్.. సుజన ఫౌండేషన్ ప్రతినిధులతో కలిసి ఈ కేంద్రాన్ని లాంఛనంగా ప్రారంభించారు.