విజయవాడలో విద్యుత్ ఛార్జీల మోత
విజయవాడలో పలు చోట్ల విద్యుత్ బిల్లులు మోత మోగిస్తున్నాయి. బిల్లులు అందుకున్న వినియోగదారులు వాటిని చూసి అవాక్కవుతున్నారు. రూ.7 వేలకు పైగా రావడంపై ఆందోళన వ్యక్తం చేశారు. విజయవాడ రామలింగేశ్వరనగర్ కు చెందిన పలువురు.. ఈ పరిస్థితి ఎదుర్కొంటున్నారు. చిన్న చిన్న పనులు చేసుకుని బతుకుతున్న తాము.... వేలకు వేలు విద్యుత్ బిల్లులు ఎలా కట్టాలంటూ ప్రశ్నిస్తున్నారు. ఏసీ లాంటి గృహోపకరణాల పేరు చెప్పి విద్యుత్ సిబ్బంది... 3 వేల రూపాయలు డిపాజిట్ రూపంలో చెల్లించాలంటున్నారని.... కట్టని పక్షంలో ఫ్యూజులు లాక్కెళ్తామంటూ హెచ్చరిస్తున్నారని వాపోతున్నారు. 5 వేలు ఇంటి అద్దె కట్టే తాము....7 వేల బిల్లు ఎలా కట్టాలని ఆవేదన వారు వ్యక్తం చేస్తున్నారు.