అసెంబ్లీలో కొద్ది రోజులుగా ఓ ముఖ్య అధికారి వ్యవహార శైలిపై తీవ్రంగా చర్చ సాగుతోంది. సిబ్బందిని వ్యక్తిగత సహాయకులుగా ఉపయోగించుకోవడం, అనుమతి లేకపోయినా అదనంగా వాహనాన్ని, ప్రైవేటు డ్రైవర్‌నూ ఏర్పాటు చేసుకోవడం, ఆ డ్రైవర్‌కు రెగ్యులర్‌ సిబ్బంది ప్రతినెలా చందాలు వేసుకుని మరీ వేతనమిచ్చేలా ఆదేశించడం వంటి తీవ్ర అభియోగాలు వస్తున్నాయి. శాసనసభ, మండలికి కలిపి ఏపీ లెజిస్లేచర్‌ అవసరాలకు ఏప్రిల్‌లో ఆరుగురు సిబ్బందిని డిప్యుటేషన్‌పై తీసుకున్నారు. ఆ ముఖ్య అధికారి వీరిలో ఎవరినీ శాసనమండలికి కేటాయించకపోగా, వారిలో ముగ్గురిని వ్యక్తిగత సహాయకులుగా నియమించుకున్నారు. ఆరుగురిలో ఇద్దరికి శాసనమండలిలో విధులు కేటాయించాలని మండలికి చెందిన ముఖ్య అధికారి జులైలో లిఖితపూర్వకంగా కోరినప్పటికీ స్పందించలేదని సమాచారం.
అసెంబ్లీలో చర్చంతా ఆ ముఖ్య అధికారిపైనే
అసెంబ్లీలో కొద్ది రోజులుగా ఓ ముఖ్య అధికారి వ్యవహార శైలిపై తీవ్ర చర్చనీయాంశమైంది. సిబ్బందిని వ్యక్తిగత సహాయకులుగా ఉపయోగించుకోవడం, అనుమతి లేకపోయినా అదనంగా వాహనాన్ని, ప్రైవేటు డ్రైవర్‌నూ ఏర్పాటు చేసుకోవటం చర్చకు దారితీసింది. ఆ డ్రైవర్‌కు రెగ్యులర్‌ సిబ్బంది ప్రతినెలా చందాలు వేసుకుని మరీ వేతనమిచ్చేలా ఆదేశించడం వంటి తీవ్ర అభియోగాలు వస్తున్నాయి.
అసెంబ్లీలో చర్చంతా ఆ ముఖ్య అధికారిపైనే
మండలి ప్రధాన ద్వారం వద్దనున్న సీసీ కెమెరా దిశను ఛైర్మన్‌ ఛాంబరు వైపు మార్చినట్లు జులైలో చర్చ జరిగింది. ఈ వ్యవహారంపై మండలి ఛైర్మన్‌ స్వయంగా ఆ ముఖ్య అధికారిని పిలిచి ప్రశ్నించినప్పటికీ మార్పు చేయలేదు. బాపట్ల జిల్లా పరిధిలో భూమి కొనుగోలు లావాదేవీకి సంబంధించి సివిల్‌ పంచాయితీలోనూ ఈ ముఖ్య అధికారిపై డీజీపీకి ఫిర్యాదులందాయి. ఈ అధికారి సర్వీస్‌ రికార్డు కూడా అంత సవ్యంగా లేదని అసెంబ్లీ ఉద్యోగుల్లో చర్చ జరుగుతోంది. అసెంబ్లీకి డిప్యుటేషన్‌పై వచ్చాకే గతంలో తనపై విధించిన రెండేళ్ల సర్వీస్‌ గ్యాప్‌ను సరిచేయించుకున్నారన్న ఆరోపణలున్నాయి.
ఇవీ చూడండి