చంద్రబాబు కోరితే ఇల్లు ఇస్తాం: అంబటి

చంద్రబాబు కోరితే ప్రతిపక్షనేత హోదాలో ఇల్లు ఇస్తామని వైకాపా ఎమ్మెల్యే అంబటి రాంబాబు అన్నారు.

కృష్ణానది వరద ప్రవాహాన్ని సమీక్షించేందుకే డ్రోన్ ఉపయోగించామని వైకాపా శాసనసభ్యులు, అధికార ప్రతినిధి అంబటి రాంబాబు అన్నారు. దీనిపై మాజీ ముఖ్యమంత్రి చంద్రబాబు అనవసర రాద్ధాంతం చేస్తున్నారని విమర్శించారు. ప్రమాదకర స్థాయిలో వరద ప్రవాహం వచ్చిందని... ఆ ఇంటిని ఖాళీ చేయాలనే ఉద్దేశంతోనే ఇళ్లు నోటీసులిచ్చారని చెప్పారు. కరకట్ట దిగువున అన్ని ఇళ్లకు నోటీసులిచ్చామన్నారు. ప్రతిపక్షనేత నిబంధనల ప్రకారం కోరితే ఇంటిని ఇచ్చేందుకు ప్రభుత్వం సిద్ధంగా ఉందన్నారు.