Permission for vehicles with link road in Tirumala : తిరుమల రెండో ఘాట్ రోడ్‌లో కొండచరియలు విరిగిపడినందున... తిరుపతి- తిరుమల మధ్య వాహనాల్లో ప్రయాణించేందుకు ఎక్కువ సమయం పడుతోందని, ఈ ఆలస్యాన్ని తగ్గించేందుకు శనివారం నుంచి లింక్ రోడ్డు ద్వారా వాహనాలను అనుమతిస్తామని తితిదే అదనపు ఈవో ధర్మారెడ్డి తెలిపారు. కొండచరియలు విరిగిపడిన ప్రాంతాన్ని శుక్రవారం సాయంత్రం అదనపు ఈవో పరిశీలించారు. ఘాట్ రోడ్డులో బండరాళ్లు పడిన ప్రాంతాన్ని దిల్లీ ఐఐటీ ప్రొఫెసర్లు పరిశీలించి అధ్యయనం చేశారని ధర్మారెెడ్డి చెప్పారు. ప్రస్తుతం ఒక బండరాయి పడేలా ఉండటంతో దాని పటిష్ఠతను ఐఐటీ నిపుణులు పరిశీలించి ఎలాంటి సమస్య ఉండదని చెప్పారని, ట్రాఫిక్‌ను అనుమతించాలని సూచించారని తెలిపారు. అప్‌ ఘాట్ రోడ్డులో వాహనాలను అనుమతించి లింకు రోడ్డు ద్వారా డౌన్‌ ఘాట్ రోడ్డుకు వెళ్లేలా తిరుమలకు అనుమతిస్తామని వివరించారు. ఫలితంగా 75శాతం ఆలస్యాన్ని అధిగమించవచ్చని తెలిపారు.
అఫ్కాన్ సంస్థకు బాధ్యతలు...