సీఏఏతో ఎవరూ పౌరసత్వం కోల్పోరు: సునీల్​ దియోధర్

పౌరసత్వ సవరణ చట్టంపై ప్రతిపక్షాలు అసత్య ప్రచారం చేస్తున్నాయని భాజపా జాతీయ కార్యదర్శి సునీల్​ దియోధర్ ఆరోపించారు. ఇంటింటికి తిరిగి సీఏఏపై అవగాహన కల్పించే కార్యక్రమానికి తిరుపతిలో ఆయన శ్రీకారం చుట్టారు.

గత పార్లమెంట్ ఎన్నికల ఓటమితోనే ప్రతిపక్షాలు పౌరసత్వ సవరణ చట్టంపై అవాస్తవాలను ప్రజల్లోకి తీసుకెళ్తున్నాయని భాజపా జాతీయ కార్యదర్శి, ఆంధ్రప్రదేశ్ కో ఇన్​ఛార్జి సునీల్ దియోధర్ ఆరోపించారు. చిత్తూరు జిల్లా పర్యటనలో భాగంగా ఆదివారం తిరుపతి విచ్చేసిన ఆయన జన జాగరణ కార్యక్రమాన్ని ప్రారంభించారు. ఈ సందర్భంగా ఆయన మాట్లాడుతూ రాజకీయ భవిష్యత్​ కోల్పోతామన్న భయంతో విపక్షాలు...అసత్యాలు ప్రచారం చేసి చిచ్చు పెట్టేందుకు ప్రయత్నిస్తున్నాయని మండిపడ్డారు. సీఏఏతో దేశంలోని ఏ పౌరుడు పౌరసత్వాన్ని కోల్పోరని స్పష్టం చేశారు.

ప్రతిపక్షాలు పౌరసత్వ సవరణ చట్టంపై ఎన్నో గందరగోళాలు స్పష్టిస్తున్నాయి. ఎందుకంటే వారు ఎన్నికల్లో ఓడిపోయి..... రాజకీయ భవిష్యత్తుపై కలత చెందుతున్నారు. అందువల్ల ముస్లింలను తప్పుదోవ పట్టిస్తున్నారు. సీఏఏ వల్ల దేశంలోని ఏ పౌరుడూ పౌరసత్వాన్ని కోల్పోడు- సునీల్ దియోధర్

ఇదీ చదవండి:సీఏఏతో ముస్లింలకు ఇబ్బందిలేదు:టీజీ వెంకటేశ్