అటు ప్రభుత్వ సాయం అందక బాధపడుతుంటే.. ఇటు భారీ వర్షాలు అన్నదాత కంట కన్నీరు పెట్టిస్తున్నాయి. వ్యవసాయాన్నే నమ్ముకున్న తమను.. నష్టాల ఊబిలోకి నెడుతున్నాయని రైతన్నలు ఆవేదన వ్యక్తం చేస్తున్నారు.
భారీ వర్షాలకు తూర్పు గోదావరి జిల్లా ముమ్మిడివరం నియోజకవర్గం పరిధిలోని తాళ్ళరేవు, ఐ పోలవరం, ముమ్మిడివరం, కాట్రేనికోన మండలాల్లోని వందల ఎకరాల్లో పంట చేలు నీటమునిగాయి. గత వారం రోజులుగా ఈదురు గాలులతో కురుస్తున్న భారీ వర్షాలకు.. కోత దశకు వచ్చిన పంట నేలవాలింది. పొట్ట దశ.. గింజ దశలో ఉండటంతో గాలుల ప్రభావానికి వెన్ను విరిగి, తలలు వాల్చేశాయి.