ధ్వజస్తంభ ప్రతిష్ఠలో అపశృతి.. మీదపడి ముగ్గురికి తీవ్రగాయాలు

నీలకంఠేశ్వర స్వామి ఆలయంలో ధ్వజస్తంభ ప్రతిష్ఠలో అపశృతి జరిగింది. ప్రతిష్ఠాపన కోసం తాళ్లతో పైకి ఎత్తగా.. ధ్వజస్తంభం జారిపోయింది. ఈ ఘటనలో ముగ్గురికి తీవ్రగాయాలయ్యాయి.

కాకినాడ జిల్లా తాళ్లరేవు మండలం నీలపల్లిలోని.. నీలకంఠేశ్వర స్వామి ఆలయంలో ధ్వజస్తంభ ప్రతిష్ఠ కార్యక్రమంలో అపశృతి చోటు చేసుకుంది. ధ్వజస్తంభాన్ని ప్రతిష్ఠించేందుకు.. తాళ్లతో పైకి ఎత్తగా.. ఒక కప్పీ తాడు తెగిపోవడంతో.. ధ్వజస్తంభం జారిపోయింది. దీంతో ధ్వజస్తంభం నిలిపేవారు.. స్థానికులపై పడిపోయారు. ఈ సంఘటనలో ఆరుగురు గాయపడ్డారు. వారిలో ముగ్గురు తీవ్రంగా గాయపడటంతో.. యానాం ప్రభుత్వ ఆస్పత్రికి తరలించి చికిత్స అందిస్తున్నారు.

ఇదీ చదవండి:తిరుమలలో భక్తుల తోపులాటకు కారణం అదే : వైవీ సుబ్బారెడ్డి