మాకు పన్నులు విధించి.. మౌలిక సదుపాయాలు కల్పించండి అంటూ గుంటూరు నగరపాలక సంస్థ కార్యాలయం 48 వ డివిజన్ కు చెందిన వారు సామూహిక రాయబారం పేరిట ఈ వినూత్న ఆందోళన నిర్వహించారు. డివిజన్ పరిధిలోని హిమనీనగర్, మదర్ థెరిసా కాలనీ, ప్రగతి నగర్, ఎస్టీ కాలనీల్లో పేదలు 30 ఏళ్లుగా నివాసం ఉంటున్నా.. ఎలాంటి సౌకర్యాలు కల్పించటం లేదని ఆవేదన వ్యక్తం చేశారు. ఈ కాలనీల్లో కనీసం తాగునీటి సౌకర్యం లేక ఇబ్బందులు పడుతున్నట్లు వారు తెలిపారు. పన్నులు వసూలు చేసినా ఫర్వాలేదు కానీ.. రోడ్లు, తాగునీరు, డ్రైనేజి వసతులు కల్పించాలని అధికారులను డిమాండ్ చేశారు.
'పన్నులు వేసినా ఫర్వాలేదు.. సౌకర్యాలు కల్పించండి'
ఎక్కడైనా పన్నులు పెంచారని ఆందోళనలు చేయడం సహజం. కానీ అందుకు భిన్నంగా గుంటూరు నగరపాలక సంస్థ వద్ద 48 వ డివిజన్ కు చెందిన కొందరు పన్నులు విధించండి.. మౌలిక సదుపాయాలు కల్పించండంటూ ఆందోళన నిర్వహించారు.
పన్నులు వేయాలంటూ గుంటూరులో వినూత్న ఆందోళన