వైకాపా అభ్యర్థి ఇంటి వద్ద జనం క్యూ.. నగదు పంపిణీ..

ఏలూరు నగర కార్పొరేషన్​ 45 డివిజన్ వైకాపా అభ్యర్థి ఇంటి ముందు జనం బారులు తీరారు. రాత్రి నగదు అందని వారికి ఓటర్ స్లిప్పుల మాటున నగదు పంపిణీ చేస్తున్నట్లు తెదేపా నేతలు చెబుతున్నారు.

పశ్చిమగోదావరి జిల్లా ఏలూరు నగర కార్పొరేషన్ 45 డివిజన్​కు జరుగుతున్న ఎన్నికల్లో వైకాపా అభ్యర్థి ఇంటి ముందు జనం బారులు తీరారు. భారీ స్థాయిలో ఓటర్​ స్లిప్పుల పేరుతో నగదు పంపిణీ చేశారు. ఏలూరు నియోజకవర్గానికి చెందిన వైకాపా ప్రముఖ నాయకులు అక్కడే ఉండి నగదు పంపిణీ చేపట్టారని తెదేపా నాయకులు ఆరోపించారు.

45వ డివిజన్ వైకాపా అభ్యర్థి ఇలియాజ్ బాషా ఇంటి వద్ద ఈ ఘటన చోటుచేసుకుంది. రాత్రి నగదు పంపిణీలో సొమ్ము పొందని వారు.. నేరుగా అభ్యర్థి ఇంటి వద్దకు వచ్చి రూ.1000 చొప్పున నగదు తీసుకుంటున్నట్లు తెదేపా నాయకులు చెప్పారు. ఈ వ్యవహారంపై పోలీసులకు ఫిర్యాదు అందడంతో అక్కడికి చేరుకుని జనాన్ని పంపించే ప్రయత్నం చేశారు.

ఇదీ చదవండి: